Cosaint Sonraí

Ráiteas Príobháideachais um Chosaint Sonraí

The words “SPECIAL EDUCATION” written in white chalk on a blackboard, with a row of coloured pencils arranged along the left side.

Cosaint Sonraí

Cé hiad an Chomhairle Náisiúnta um Oideachas Speisialta?

Bunaíodh an Chomhairle Náisiúnta um Oideachas Speisialta (CNOS) chun feabhas a chur ar sholáthar seirbhísí oideachais do dhaoine a bhfuil riachtanais speisialta oideachais acu a eascraíonn as míchumais, le béim ar leith ar leanaí. Bunaíodh CNOS ar dtús mar chomhlacht reachtúil neamhspleách le hordú ón Aire Oideachais agus Eolaíochta i mí na Nollag 2003.

A close‑up of a filing system tab labelled “DATA PRIVACY,” with other blurred file labels behind it.

Cosaint Sonraí

Cad atá i gceist leis an Ráiteas Príobháideachais Seo?

Ní mór do CNOS cloí leis na hAchtanna um Chosaint Sonraí 1988 go 2018 agus le haon reachtaíocht agus leasuithe gaolmhara nó dá éis maidir le cosaint sonraí agus príobháideachas, chomh maith le Dlí an Aontais Eorpaigh lena n-áirítear Rialachán (AE) 2016/679 (ar a dtugtar an Rialachán Ginearálta maidir le Cosaint Sonraí (“RGCS”)) agus aon reachtaíocht agus leasuithe cur chun feidhme dá éis (dá dtagraítear le chéile sa Pholasaí Príobháideachais seo mar “Reachtaíocht um Chosaint Sonraí”).

Tá CNOS tiomanta do do phríobháideachas a chosaint. Úsáidfidh CNOS do chuid faisnéise pearsanta de réir na Reachtaíochta um Chosaint Sonraí.

Multiple hands hold up colourful paper speech‑bubble shapes, including teal, yellow, pink, and green, against a dark background to represent communication.

Cosaint Sonraí

Cuspóir an Ráitis Príobháideachais

Is é cuspóir an Ráitis Príobháideachais seo cumarsáid shoiléir a dhéanamh leat maidir leis:
– an bhfaisnéis phearsanta a bhailíonn CNOS
– an bhfáth a mbailíonn CNOS an fhaisnéis seo
– an gcaoi a láimhseálann nó a úsáideann CNOS an fhaisnéis seo
– an bhfad a choinneoidh CNOS an fhaisnéis seo
– cé leis a roinnfidh CNOS an fhaisnéis seo
– do chearta maidir leis an bhfaisnéis phearsanta atá ag CNOS, lena n-áirítear na cearta atá agat i dtaobh rochtain, ceartú nó scriosadh na faisnéise seo a iarraidh agus
– mar is féidir leat teagmháil a dhéanamh le CNOS maidir leis an bhfaisnéis seo.

Is é aidhm an Ráitis Príobháideachais seo tuiscint níos fearr agus níos iomláine a thabhairt duit ar an gcaoi a mbailíonn agus a úsáideann CNOS do shonraí pearsanta.

A magnifying glass on a yellow background, with the word “WHY?” visible through the lens.

Cosaint Sonraí

Cén fáth a mbailíonn CNOS sonraí?

Tá sainordú reachtúil ag CNOS soláthar seirbhísí oideachais agus tacaíochta do leanaí a bhfuil riachtanais speisialta oideachais acu a phleanáil agus a chomhordú (Alt 20 den Acht um Oideachais do Dhaoine a bhfuil Riachtanais Speisialta Oideachais Acu, 2004). Tá sé de dhualgas ar CNOS faisnéis áirithe a bhailiú chun a cuid oibleagáidí dlíthiúla a chomhlíonadh faoin Acht um Oideachais do Dhaoine a bhfuil Riachtanais Speisialta Oideachais Acu, 2004. Tá sé seo de bhun Airteagal 6(1)(c) den RGCS a chuireann ar chumas CNOS mar rialaitheoir sonraí pearsanta a phróiseáil go dleathach nuair is gá an phróiseáil sin chun oibleagáid dhlíthiúil a bhfuil CNOS faoina réir a chomhlíonadh.

Cosaint Sonraí

Cén Sonraí a Bhailímid?

Bailíonn CNOS sonraí go díreach ó scoileanna agus ó na foirmeacha Fógra comhlánaithe a chuirtear ar fáil do Thuismitheoir(í)/Caomhnóir(í) agus do mhúinteoirí maidir le daltaí agus fostaithe scoile lena n-áirítear múinteoirí.

Bailímid na sonraí seo a leanas:

Sonraí a bhailítear maidir le mic léinn
Ainm	Dáta breithe
Seoladh	Inscne
UPSP	Ainm an tuismitheora, nó an chaomhnóra
Uimhir theileafóin an tuismitheora, nó an chaomhnóra	Seoladh ríomhphoist an tuismitheora, nó an chaomhnóra
Ainm na Scoile/an tsuímh oideachais	Seoladh an tsuímh scoile/oideachais
Uimhir rolla na scoile	Uimhir theileafóin na scoile
Seoladh ríomhphoist na scoile	Ainm an Phríomhoide
Dáta rollaithe/deimhnithe tinrimh	An dáta ar fhág an dalta an scoil
Leibhéal ranga	Rochtain ar thacaíocht teagaisc oideachais speisialta
Rochtain ar thacaíocht CRS	Sonraí curtha ar fáil maidir le hiarrata(i)s iompair
Sonraí curtha ar fáil maidir le feidhmchlá(i)r teicneolaíochta cúnta	Sonraí curtha ar fáil maidir le hiarratas ar dheontas teagaisc baile
Rollú aicme speisialta, lena n-áirítear an cineál aicme speisialta	Rollú scoile speisialta, lena n-áirítear an cineál scoile speisialta
Tinreamh scoile, lena n-áirítear tinreamh ar lá scoile laghdaithe	Tuarascálacha scoile
Míchumas, más infheidhme	Riachtanais foghlama/chúraim
Fadhbanna soghluaisteachta	Riocht(aí) leighis
Tuarascálacha gairmiúla, lena n-áirítear tuarascálacha síceolaíochta cliniciúla agus oideachais	Tuarascálacha nó measúnuithe leighis
Pleananna iompraíochta	Pleananna Tacaíochta do dhaltaí n, nó a chomhionann
Taifid ar athbhreithnithe a rinneadh maidir le tacaíochtaí an dalta

Data collected in respect of school employees
Céadainm	Sloinne
UPSP	Sonraí clárúcháin na Comhairle Múinteoireachta
Uimhir phárolla an mhúinteora	Uimhir Gutháin
An cineál scoile ina n-oibríonn an fostaí	Uimhir rolla na scoile
Ról an fhostaí sa scoil	Sonraí cuntais bainc

I gcás ina mbailíonn CNOS do chuid faisnéise pearsanta chun oibleagáidí reachtúla CNOS a chomhlíonadh, d’fhéadfadh sé nach mbeadh CNOS in ann na seirbhísí atá faoi réir na hoibleagáide reachtúla sin a chur ar fáil mura gcuireann tú an fhaisnéis phearsanta thuasluaite ar fáil.

Cosaint Sonraí

Conas a úsáidimid na sonraí?

Cuireann na sonraí seo ar chumas CNOS soláthar tacaíochtaí oideachais breise do dhaltaí agus do mhúinteoirí a phleanáil, a chomhordú agus a athbhreithniú de réir pholasaí na Roinne Oideachais. I measc samplaí de chomhordú na dtacaíochtaí agus na seirbhísí oideachais breise sin do dhaltaí agus do mhúinteoirí CNOS tá:

Cúnamh maidir le socrúchán scoile, lena n-áirítear socrúchán i rang speisialta agus i scoil speisialta;
Teagasc Oideachais Speisialta
Tacaíocht Cúntóra Riachtanas Speisialta
Tacaíochtaí Múinteoirí Cuartaíochta do dhaltaí bodhra/lagéisteachta agus dalla/lagamhairc;
Foghlaim ghairmiúil múinteoirí agus tacaíocht chomhairleora sa scoil
Tacaíocht Iompraíochta don Fhoghlaim
Samhail Ionchuimsithe Scoile, (SIS) Tionscadal Teiripe sa Scoile (TTS)
Teicneolaíocht Chúnta do Dhaltaí a bhfuil Riachtanais Speisialta Oideachais acu
Iompar do Dhaltaí a bhfuil Riachtanais Speisialta Oideachais acu
Iarratais ar Dheontas Teagaisc Baile
Achomhairc Alt 29
Iarratais ar Ionaid Oideachais le haghaidh tacaíochtaí agus comhairle maidir le daltaí aonair agus
Taighde

A close-up of an hourglass with sand flowing into the bottom chamber, with a blurred clock face in the background.

Cosaint Sonraí

Cá fhad a choinnítear na sonraí?

Leagann Sceideal Coinneála agus Diúscartha Taifead CNOS amach an tréimhse choinneála do gach sonraí pearsanta a choinnítear agus na nósanna imeachta atá i bhfeidhm chun an polasaí seo a chur i bhfeidhm.

A glowing lock icon displayed at the center of a digital circuit‑board pattern, representing data security.

Cosaint Sonraí

Conas a dhaingníonn CNOS na sonraí?

Cuireann CNOS na bearta slándála seo a leanas i bhfeidhm chun sonraí daltaí, múinteoirí agus fostaithe scoile eile a chosaint:
– Cinntítear go stóráiltear Sonraí ar fhreastalaithe criptithe
– Cuirtear teorainn ar rochtain dóibh siúd ar féidir leo rochtain a fháil ar shonraí
– Cuirtear Gnéithe slándála TFC i bhfeidhm atá suiteáilte agus i bhfearas chun an baol maidir le goid aitheantais sonraí nó haiceáil a laghdú

A person types on a laptop keyboard while illustrated digital folders and document icons appear above the keyboard, representing file transfer.

Cosaint Sonraí

Sonraí a roinnt

D’fhéadfadh CNOS do shonraí a roinnt le comhlachtaí poiblí eile agus le tríú páirtithe údaraithe amhail an Roinn Oideachais chun tacaíochtaí oideachais speisialta a chur ar fáil amhail iompar, teicneolaíocht chúnta agus teagasc baile.

I gcúinsí áirithe, d’fhéadfadh sé go mbeadh sé de cheangal dlí orainn sonraí áirithe atá againn a roinnt le hOifig an Aturnae Stáit nó le hOifig an Ard-Aighne mar thoradh ar imeachtaí dlí ina bhfuil CNOS ag comhlíonadh oibleagáidí dlíthiúla amhail ordú cúirte.

A magnifying glass rests on a digital chart displaying multicolored line graphs on a dark grid background.

Cosaint Sonraí

Úsáid sonraí le haghaidh staitisticí

Féadfaidh CNOS staitisticí a thiomsú chun taighde agus comhairle beartais a fhorbairt. Déanfar gach sonraí den sórt sin a dhéanamh anaithnid agus ní áireofar iontu aon sonraí aitheantais phearsanta, ná aon sonraí anaithnidithe is féidir a chomhcheangal le sonraí eile agus a úsáid chun tú a aithint. Féadfaimid sonraí den sórt sin a roinnt ó am go chéile le tríú páirtithe údaraithe nó le Comhlachtaí Poiblí eile.

Ní roinnfear agus ní úsáidfear sonraí ach laistigh d’údarás an Rialaitheora Sonraí/Comhaontuithe Roinnte agus sin amháin

Cosaint Sonraí

Cearta Aonair faoin RGCS

Mar ábhar sonraí, tá na cearta seo a leanas agat faoin RGCS, agus tá ár Ráiteas Príobháideachais agus an úsáid a bhainimid as sonraí pearsanta leagtha amach chuige sin:

An Ceart Rochtana: Faoi réir coinníollacha áirithe, tá tú i dteideal rochtain a fháil ar do shonraí pearsanta atá againn;
An Ceart chun Ceartúcháin: Féadfaidh tú cruinneas nó iomláine na sonraí pearsanta a phróiseálaimid fút a cheistiú. Má fhaightear amach go bhfuil sonraí pearsanta míchruinn, tá tú i dteideal na sonraí míchruinne a bhaint, a cheartú nó a chomhlánú, de réir mar is cuí
An Ceart chun Scriosadh (an ceart go ndéanfaí dearmad ort): Faoi réir coinníollacha áirithe, tá tú i dteideal, ar fhorais áirithe, do shonraí pearsanta a scriosadh m.sh. má cheapann tú go bhfuil an fhaisnéis atá á próiseáil againn míchruinn, nó go bhfuil an phróiseáil neamhdhleathach
An Ceart chun Srianta: Faoi réir coinníollacha áirithe, tá an ceart agat iarraidh orainn próiseáil do shonraí pearsanta a shrianadh
An Ceart chun Agóid a Dhéanamh: Faoi réir coinníollacha áirithe, tá an ceart agat agóid a dhéanamh i gcoinne phróiseáil do shonraí pearsanta
An Ceart chun Inaistritheacht Sonraí: Faoi réir coinníollacha áirithe, tá an ceart agat na sonraí a thug tú dúinn agus a phróiseálaimid trí mhodhanna uathoibrithe a fháil, i bhformáid inléite meaisín a úsáidtear go coitianta agus
An Ceart chun Tarraingt Siar: Tá an ceart agat do thoiliú a tharraingt siar d’aon phróiseáil ar thug tú an toiliú sin ina leith roimhe seo.

Má tá aon chúis gearáin agat maidir le húsáid do shonraí pearsanta, déan teagmháil linn ag baint úsáid as an seoladh ríomhphoist thíos. Déanfar gach gearán a fhiosrú go hiomlán. Mura bhfuilimid in ann cabhrú, tá an ceart agat freisin gearán a dhéanamh leis an gCoimisiún um Chosaint Sonraí.

A glowing blue digital illustration of a key made of connected points and lines, set against a dark background representing access to data.

Cosaint Sonraí

Conas is féidir leat rochtain a fháil ar do shonraí?

Tá an ceart agat cóip de do shonraí pearsanta atá againn agus conas a úsáidtear iad a iarraidh. Is féidir iarratais ar thaifid a dhéanamh trí theagmháil a dhéanamh leis an seoladh ríomhphoist dataprotection@ncse.ie nó ar an bhfón ag 01 603 3433.

Wooden blocks with phone, mail, email, and chat icons

Cosaint Sonraí

Teagmháil le CNOS

Má tá aon cheist agat faoi úsáid sonraí CNOS nó faoin ráiteas príobháideachais seo, déan teagmháil le dataprotection@ncse.ie nó tríd an bpost chuig

Oifigeach Cosanta Sonraí CNOS
1 – 2 Sráid an Mhuilinn
Baile Átha Troim
Co. na Mí
C15 P2KC.

A glowing blue circular arrow icon displayed against a dark digital background with abstract circuitry patterns. The image represents changes or updates.

Cosaint Sonraí

Athruithe ar Ár Ráiteas Príobháideachais

Nuashonraíodh an ráiteas seo go deireanach an 01 Meán Fómhair 2023. Féadfar é a nuashonrú ó am go chéile.