Athbhreithniú maidir le Cúntóirí Riachtanas Speisialta (CRS)
Athbhreithniú maidir le Cúntóirí Riachtanas Speisialta (CRS)
Cad is Athbhreithniú maidir le CRS ann?
Is próiseas foirmiúil é an tAthbhreithniú maidir le CRS chun athbhreithniú a dhéanamh ar leithdháiltí CRS i scoileanna.
Tá dhá chineál Athbhreithnithe CRS ann:
– Is féidir leis an scoil é a iarraidh le linn na tréimhse iarratais
– Is féidir leis CNOS an t-athbhreithniú a stiúradh
Ar an leathanach seo, leagaimid amach:
– Príomhdhátaí
– An próiseas iarratais
– An chaoi ar féidir leat Athbhreithniú CRS a iarraidh
Dátaí Tábhachtacha
| Application Window Opens | Application Window Closes |
|---|---|
| Monday 15th September 2025 | Friday 7th November 2025 5pm |
Athbhreithniú maidir le Cúntóirí Riachtanas Speisialta (CRS)
Iarr athbhreithniú ar do leithdháileadh CRS
Chun a chinntiú go dtugtar an tacaíocht is mó do na daltaí sin a bhfuil na riachtanais chúraim is mó acu, iarrtar ar scoileanna prionsabail na nithe seo a leanas a úsáid nuair atá an chaoi a n-úsáidfear an tacaíocht CRS á roghnú acu:
– Athbhreithniú
– Atosaíochtú
– Athsholáthar
Má chreideann tú nach leor leithdháileadh CRS do scoile, is féidir leat iarratas a dhéanamh ar athbhreithniú CRS.
Sula ndéanann tú iarratas, léigh na treoirlínte agus na ciorcláin thíos. Is féidir leat féachaint ar ár Seimineár Gréasáin Eolais freisin.
Déan teagmháil le do ERSO áitiúil má tá aon cheist agat faoin bpróiseas athbhreithnithe CRS.
Athbhreithniú maidir le Cúntóirí Riachtanas Speisialta (CRS)
Treoirlínte d’Athbhreithniú CRS
Cuirtear acmhainní riachtanacha ar fáil sa chuid seo do cheannairí scoile chun tacú leis an bpróiseas Athbhreithnithe CRS.
Áirítear ann na Treoirlínte is déanaí ón CNOS.
Déantar cur síos iontu ar:
– Na cúiseanna ar féidir le scoil iarratas a dhéanamh
– An próiseas athbhreithnithe go mion
– A bhfuiltear ag súil leis uaitse chun an t-athbhreithniú a éascú
Féach freisin na ciorcláin ábhartha ón Roinn Oideachais agus Óige. Cuirtear comhthéacs polasaí agus eolas ar fáil iontu sin faoin gcaoi a ndéantar próifíl oideachais gach scoile a oibriú amach.
Athbhreithniú maidir le Cúntóirí Riachtanas Speisialta (CRS)
Ciorcláin na Roinne Oideachais & Óige
Léigh ciorcláin na Roinne Oideachais agus Óige ina gcuirtear comhthéacs polasaí agus eolas ar fáil maidir leis an gcaoi a n-oibrítear amach próifíl oideachais gach scoile.
Athbhreithniú maidir le Cúntóirí Riachtanas Speisialta (CRS)
Treoirlínte um Soláthar CRS agus Athbhreithniú CRS – Seimineár Gréasáin Eolais
Treoirlínte maidir le Soláthar CRS agus Athbhreithniú CRS
Féach ar ár seimineár gréasáin eolais do Scoileanna Príomhshrutha agus Scoileanna Speisialta 2025/2026
Tá dhá chuid ann:
1: Prionsabail an tSoláthair CRS a thuiscint
2: Treoir agus tacaíocht phraiticiúil maidir le hullmhú d’Athbhreithniú CRS
Uirlisí agus Teimpléid
Athbhreithniú maidir le Cúntóirí Riachtanas Speisialta (CRS)
Sraith Uirlisí CRS
Tacaíonn Sraith Uirlisí an CRS le scoileanna chun tacaíochtaí cúntóra riachtanas speisialta (CRS) a phleanáil, a sholáthar agus a athbhreithniú.
Machnamh ar Chleachtas Ionchuimsitheach
Is féidir leis an doiciméad Machnamh ar Chleachtas Ionchuimsitheach cabhrú le scoileanna an chaoi a dtacaíonn siad le daltaí a bhfuil riachtanais bhreise acu a mheas agus a fheabhú. Tá sé ábhartha go háirithe maidir le hiarratas a dhéanamh ar thacaíocht CRS.
Is féidir leat féachaint ar ár bhfíseán gearr ina mínítear mar is féidir leat an uirlis a úsáid.
Athbhreithniú maidir le Cúntóirí Riachtanas Speisialta (CRS)
Foirmeacha agus Iarratais
Cliceáil ar gach bloc sa liosta thíos.
Foirm Achoimre Scoile Speisialta/Rang Speisialta Tá an fhoirm seo do scoileanna a bhfuil ranganna speisialta nó stádas scoile speisialta acu. Is féidir leat í a úsáid chun forbhreathnú a thabhairt ar riachtanais chúraim daltaí mar chuid d’iarratas Athbhreithnithe CRS.
Foirm Achoimre ar Rang Speisialta Scoile Príomhshrutha Is do scoileanna príomhshrutha a bhfuil ranganna speisialta acu an fhoirm seo. Is féidir leat í a úsáid chun forbhreathnú a thabhairt ar riachtanais chúraim daltaí mar chuid d’iarratas Athbhreithnithe CRS.
Foirm Iarratais Téigh i dteagmháil le do ERSO le haghaidh sonraí a bhaineann leis an bhfoirm seo.
Foirm Toilithe Éilíonn an CNOS toiliú tuismitheoirí nó caomhnóirí chun rochtain a fháil ar fhaisnéis daltaí chun seirbhísí oideachais agus tacaíochta speisialta a phleanáil agus a sholáthar. Déan cinnte foirm toilithe comhlánaithe a chur isteach le d’iarratas ar Athbhreithniú CRS.
Tairseach Scoileanna CNOS
Cuir d’iarratas d’Athbhreithniú CRS isteach
Cuir d’iarratas ar Athbhreithniú CRS isteach trí Thairseach Scoileanna CNOS. Cinntigh go gceanglaíonn tú na foirmeacha comhlánaithe.
Chun iarratas a chur isteach,
– Logáil isteach ar Thairseach Scoileanna CNOS
– Cruthaigh ticéad tacaíochta Nua
– Roghnaigh Athbhreithniú CRS ón roghchlár Cineál.
– Comhlánaigh na réimsí riachtanacha
– Cliceáil Cuir Isteach
Nuair a bheidh an iarraidh seo faighte, déanfaidh CNOS teagmháil leat, tríd an tairseach nó ar an bhfón, laistigh de dheich lá scoile.