Éilíonn an tAcht ar chomhlachtaí poiblí freagra a thabhairt ar iarratais ón bpobal ar fhaisnéis atá acu. I bhformhór na gcásanna, ní mór do chomhlachtaí poiblí a gcinneadh ar iarratas a thabhairt laistigh de 4 seachtaine tar éis é a fháil.

Ba cheart duit iarratas a sheoladh, i scríbhinn nó trí ríomhphost, chuig

An tOifigeach um Shaoráil Faisnéise
An Chomhairle Náisiúnta um Oideachas Speisialta
Foirgneamh Metropolitan
Sráid James Joyce,
Baile Átha Cliath 1,
D01 K0Y8

Ríomhphost foi@ncse.ie

– Ráiteas go bhfuil an t-iarratas á dhéanamh faoin Acht um Shaoráil Faisnéise;

– An oiread faisnéise agus is féidir faoi na taifid atá á lorg chun go mbeidh CNOS in ann na taifid a theastaíonn uait agus an tréimhse ama a bhaineann le d’iarratas a aithint; agus

– Uimhir theileafóin nó seoladh ríomhphoist agus do sheoladh poist a chur san áireamh; cabhróidh sé seo má bhíonn ar CNOS teagmháil a dhéanamh leat

– Cén fhormáid inar mian leat aon taifid a scaoiltear a fháil (e.g. fótachóipeanna)

– Nuair a bhíonn faisnéis phearsanta á lorg agat, beidh ort d’aitheantas a chruthú agus iarrfar ort cóip de do Cheadúnas Tiomána, Pas nó foirm aitheantais eile a sholáthar. Cuir cóip den aitheantas seo san áireamh le haon iarratais Saorála Faisnéise ar fhaisnéis phearsanta.

Cuirfidh CNOS in iúl duit go bhfuil d’iarratas faighte aici i scríbhinn laistigh de 10 lá oibre. Cuirfear ainm agus sonraí teagmhála an duine a bheidh ag déanamh an chinnidh ar d’iarratas ar fáil duit freisin sa litir sin mar aon leis an uair is féidir leat a bheith ag súil leis an gcinneadh a fháil.

Nuair a bhíonn taifid á lorg a bhaineann le mionaoiseach nó le tríú páirtí eile, beidh orainn do chaomhnóireacht nó d’údarás dlíthiúil iomchuí a fhíorú go neamhspleách chun rochtain a fháil ar na taifid seo thar a gceann. Beidh ort freisin an doiciméadacht riachtanach a sholáthar chun teideal rochtana ar na taifid seo a fhíorú. Tabhair faoi deara nach dtosóidh an tréimhse reachtúil ceithre seachtaine chun d’iarratas Saorála Faisnéise a phróiseáil, nó má tá sé tosaithe cheana féin, féadfar é a chur ar fionraí, go dtí go mbeidh an doiciméadracht riachtanach faighte agus deimhnithe ag CNOS.

Níl aon táille i gceist chun iarratas a chur isteach. Maidir le hiarratais neamhphearsanta, féadfar táillí eile a chur i bhfeidhm as an am a chaitear ag aimsiú taifead agus as aon chostais atáirgthe a thabhaítear chun an t-ábhar atá iarrtha a chur ar fáil duit (táillí cuardaigh, aisghabhála agus cóipeála).

Féadfaidh tú achomharc a dhéanamh in aghaidh an chinnidh laistigh de shé mhí trí scríobh chuig Oifig an Choimisinéara Faisnéise. Déanfaidh an Coimisinéir Faisnéise scrúdú iomlán ar an ábhar agus breithneoidh sé é agus eiseoidh sé cinneadh nua. Ba cheart gach achomharc a sheoladh chuig:

An Coimisinéir Faisnéise,
18 Sráid Fhearchair Íochtarach,
Baile Átha Cliath 2.
Teil: +353 (1) 639 5689
Glao Áitiúil: 1890 22 30 30
Facs: +353 (1) 639 5674

Ríomhphost: info@oic.ie

Féadfar táille €50 (€15 do shealbhóirí cárta leighis) a chur i bhfeidhm ar iarratas den sórt sin. Arís, níl aon táille ar achomhairc a dhéanamh chuig Oifig an Choimisinéara Faisnéise a bhaineann le faisnéis phearsanta sa chás go mbaineann sé leis an duine féin nó le cinneadh táille nó éarlais a ghearraidh.

Chun tuilleadh eolais a fháil faoi Shaoráil Faisnéise, lena n-áirítear téacs na nAchtanna Saorála Faisnéise, féach ar www.foi.gov.ie